Ang Sugar Regulatory Administration ang nag commit nga sila ang maga issue sang Sugar Order para ma-regulate ang pag sulod sang sugar substitutes kag artificial sweeteners.
Ini sa gin patigayon nga House Committee on Agriculture and Food Hearing sang Miyerkules.
Ginsiling ni 5th District Rep Emilio “Dino” Yulo ang kadamuon kag ang variety sang artificial sweeteners nga yara sa market sa karon ang indi lamang high-fructose corn syrup kag mga premix kundi mas nagdamo na gid. Suno sa iya ang mga sweetners kaangay sang sucralose, aspartame kag saccharin ang dapat ma-regulate bangud ang mga local farmers ang apektado sa kada pagsulod sini nga mga produkto sa pungsod.
Gin patigayon ang hearing para mapamatian ang concerns sang nag kalain-lain nga sektor kag mga ahensya angut sa sitwasyon sang sugar industry.
Ginsiling ni 3rd District Rep Javier Miguel Benitez nga ang masunod nga hearing ang maga lakip sang traders, importers, kag industry partners suno sa iya ang missing sa initial nga mga talakayan.
Suno kay Benitez ang rekomendasyon sang committee ang malakip sa report sini kag sarang magamit sa paghimo sang laye kun aktuhan sang House of Representatives kag Senado.*
[sibwp_form id=1]