Ginapasalig sang Sugar Regulatory Administration ang mga sugar farmers nga sa karon wala sang may matabo nga pag import sang kalamay. Gina tun-an man sang gobyerno ang pagbakal direkta sang kalamay gikan sa farmers para ma buligan pasaka ang presyo.
Suno kay Paul Azcona ang SRA administrator, naga sige pa ang galing karon gani tubtob matapos ini amo pa ang paghibalo sang total production lakip na demand. May buffer kag may nagakaigo nga supply sang kalamay, pero may pag nubo sa demand gani indi na kinahanglan pa ang pag import sang kalamay suno sa iya.
“The only thing that we can do now is to assure the consumers of stable supply, especially December. However sa farmers, the farmers need an assurance that based on the current numbers, there is no need to import”, suno kay Azcona.
Dugang pa niya ang sadto gin patuman nga pag import sang kalamay ang nabase man sa figures. Wala nagapati si Azcona nga may oversupply kay kuntani suno sa iya nagnubo na ang retail price sang kalamay.
“Only the people in the trading side can explain it”, suno kay Azcona.
Ginsiling ni Azcona nga nakahibalo ang presidente bahin sa sitwasyon karon. Seryoso nga ginatun-an sang gobyerno ang direkta nga pagbakal sang kalamay gikan sa sugar farmers sa mas mataas nga presyo kag direkta man nga pagbaligya sini sa konsumedor. Tuyo sang amo nga tikang nga mapasaka ang presyo sang kalamay nga yara subong sa 2,500 pesos kada sako. May pondo ang gobyerno nga magamit para sa amo nga plano suno sa SRA administrator.
“The government has always been looking at the idea of once again purchasing sugar like what we did long ago with NFA nga masulod sila and will directly buy sugar from the farmers, in an effort to boost the price”, suno kay Azcona.
Ginalauman sang mga sugar farmers nga kuntani ang presyohanay mangin 3,000 pesos sa kada sako agudto tigayon man sila nga maka bawi.