SRA plano nga hugtan ang pagpatuman sang quarantine measures batuk sa gina-import nga patdan agud mapunggan ang halit sang RSSI sa tubo.
Malapit sa 500 na ka ektariya sang katubuhan sa northern Negros Occidental ang apektado sang pagsalakay sang red striped soft scale insects.
Pero may 15 ektariya na ang naluwas paagi sa ginpalab-ot nga mga insecticides sang Sugar Regulatory Administration gikan sa Department of Agriculture para sa mga apektado nga mangunguma.
Sini lang nga hapon ginbisitahan ni Agriculture Sectary Francisco Tiu Laurel, Jr., kag Sugar Regulatory Administrator Luis Pablo Azcona ang mga talamnan sang tubo nga nahalitan sang RSSI ukon ginatawag sang mga mangunguma nga tigi sa tubo.
Ginpahayag ni Azcona nga natabuan nga nagsira na ang galing sang magsalakay ang mga peste amo nga madiutay lang nga katubuhan ang nahalitan.
Gani sa masunod nga milling season dungan sa pananum, pagahugtan na sang SRA ang quarantine measures ilabi na batuk sa mga imported ukon ginapasulod nga mga patdan halin sa gwa sang isla sang Negros.
Nagapati si Azcona nga paagi sa mga permits sarang mapaiway ang pagsulod sang peste agud indi mahalitan ang sugar production sa pungsod.