Pamuno sang Sugar Regulatory Administration ginpa-untat ang pag-release sang imported sugar sa mga merkado tuga sang maka-alarma nga pagnubo sang presyo sang millgate price sang kalamay.
Sadto masobra sa P3,000 per bag ang millgate prices sang raw sugar. Apang karon nagaka-alarma na ang kalabanan sa mga sugar farmers bangud nagahamboy na lang sa tag-P2,500 asta P2,750 kada bag ang presyo sang raw sugar halin sa mga milling firm. Gani nag-issue man sang resolution ang pamunuan sang Sugar Regulatory Administration agud mapunggan ang pag-release sang supply sang imported sugar sa mga domestic market.
Suno kay SRA Administrator Pablo Luis Azcona, ginakinahanglan mapangapinan ang mga sugar farmers bangud sang gina-alegar oversupply sang kalamay sa mga merkado.
Nakasaad man sa resolution ang pag-hold in abeyance sang application para sa pag-reclassify sang imported sugar supply sa tuyo nga mapabilin sa tig P3,000 ang per bag sang raw sugar. Kapin sa 150,000 metric tons ang imported sugar nga ginpaabot sang Setyembre sandig man sa gin-issue nga Sugar order no. 7.