SRA Administrator ang naga respeto sang pahayag ni Governor Eugenio Jose Lacson nga mag “Go Green” angut sa away kontra sa RSSI.
Sa gin release nga statement ni SRA Administrator Pablo Luis Azcona, iya ginsiling nga ang kinahanglan sang sugar industry subong kun luyag sang mga mangunguma nga maka recover ang mga standing crops gikan sa kahalitan sang RSSI amo ang immediate nga aksyon labi na nga halos tatlo na lang kabulan ang nabilin antes ang galing.
Kun natural control ang gamiton nga pamaagi suno kay Azcona, indi ini mangin madasig. Indi man barato.
Sadto pa man suno kay Azcona ang SRA ang naga gamit na sang biological kag natural control sa pag tapna sang RSSI. Naga mass produce na gani sila sang fungi kag local parasites.
Iya man ginsiling nga sa press statement sang CONFED sadtong June 3 ginhinyo sang grupo ang DA kag SRA nga mag patuman sang large-scale, pre-emptive measure kaangay sang aerial spraying. Rason nga nakibot sila sang gin pa gwa nga pahayag sang isa sa ila nga mga lideres nga si anay governor Rafael Coscolluela nga adviser man sa Governor’s Office ang lain nga opinyon.
Kuntani suno kay Azcona, nag hatag man sila sang tion nga mag pamati sa real experts. May mga farms nga gin-igo sang RSSI nga nag gamit sang drones kag tigayon nila na minimize ang infestation paagi sa low and slow method sang spraying.
Sa dalagan sang infestation karon ang probinsya sarang makapamierde sang 33,000 hectares sang sugar production ukon 150,000 metric tons sang raw sugar kun wala sang immediate intervention.
Nagasalig sila nga ang chairman sang RSSI Task Force may nagakaigo nga solusyon. Kun luyag sang probinsya mangin involve sa gihapon ang original task force nga na set-up naga pabilin ang commitment sang SRA diri. Maga hulat sila sang abiso sang gobernador.
Samtang, maga sugod naman ang SRA sa pagbulig sa Negros Oriental nga bukas sa immediate solutions.
[sibwp_form id=1]