Nag-resign naman sa pwesto bilang Administrator sang Sugar Regulatory Administration si Hermenegildo Serafica kag ini ang gin baton sang Malacañang.
Planters’ Representative sa Sugar Board nga si Aurelio Gerardo “Bodie” Valderrama, Jr. ang nagatugyan naman sang iya kaugalingon sa Presidente kun ano ang mangin desisyon sini.
Sa sulat ni Executive Secretary Victor Rodriguez kay Serafica angut sa resignation letter sini sadtong Agosto 10, nakasaad nga nga in behalf sa kay Presidente Ferdinand Marcos, Jr. ginabaton effective immediately ang resignation sini.
Isa ka pag pangusisa sa karon ang ginapatigayon angut sa Sugar Order number 4 nga gin pa gwa sang SRA nga suno sa Malacanang “iligal”. Ang SO No. 4 ang naga tugot sang pag import sang 300,000 metric tons sang kalamay.
Damlag pa naghatag naman sang ila nga resignation si Agriculture Undersecretary Leocadio Sebastian, kag Millers’ Representative Roland Beltran.
Sila ang mga signatory sa SO No. 4.
Sa press conference nga gin patigayon, Martes sang aga, ginsiling ni Valderrama nga siya ang nagsulat man sa Presidente sang Lunes kun sa diin iya gin paathag ang natabo.
Suno kay Valderrama, yara siya sa disposal sang presidente kag kun luyag sini nga mag resign siya, gilayon niya nga buhaton ini.
“I am at the disposal of the president. And he decides, after explaining my side. If he looks at the letter, and then I told him, I am at your disposal. If you think I should resign, I would resign”, suno kay Valderrama.
Gina panindugan ni Valderrama, nga ang pag pa gwa nila sang SO No. 4 santo sa nagakaigo nga procedure kag deliberation.
Suno kay Valderrama, ang kantidad mismo nabase sa official nga datus sang SRA nga nagatuyo sa pagsabat sang kakulang sa supply kag nagasaka nga presyo sang kalamay.
Sa mga merkado karon naga lab-ot sa mga 100 pesos ang kilo sang refined sugar.
Ang hinyo sa pag import, suportado sang mga resolution nga gin pa gwa sang halos tanan nga federation suno sa iya.
“With the different federations, basically they said, they concur that we need to import. Even the sugar millers, we have the documents, telling the public, telling the SRA board that we need to import. All federations said 300,000 metric tons. Even those federations that said nga wala sila naghambal sina”, suno kay Valderrama.
Suno sa independent counsel ni Valderrama nga si Atty Rafael Ocampo, indi naman fair nga hamabalon, nga “iligal” ang pag pa gwa sang amo nga sugar order.
“The Department of Agriculture Undersecretary may act as an alter ego of the president. But the president has control and supervision over his secretaries, so he can approve or disapprove. But it does not mean that it’s illegal. It’s just that he does not agree. But to say that the acts were illegal is not fair”, suno kay Ocampo.
Panawagan ni Valderrama, ang isa ka madasig kag patas sa imbestigasyon kag ang gilayon nga aksyon sa pag lubad sang gina atubang subong nga krisis sa industriya sang kalamay.
Suno kay Valderrama indi para sa publiko ang iya nga mga pahayag sa pagpaathag, kundi para sa mga yadtong nagduso kag nag butang sang ila nga pagsalig sa iya.