Pag sugod spray sa mga katubuhan nga gin atake sang peste ang tuyo masugdan sa dason nga semana.
Ini suno sa pamuno sang Department of Agriculture sa Negros Island Region nga nagsiling man nga sa Lunes magasapol ang inter-agency task force nga gintuga para magtutok sa pag pang atake sang RSSSI ukon ang red-striped soft scale insects sa mga katubuhan sa Negros.
Suno kay Engr Jose Albert Barrogo, ang inter-agency task force ang paga tapuan sang tiglawas sang Sugar Regulatory Administration, DA, gobyerno probinsyal, National Crop Protection Center, National Plant Quarantine Services Division, Department of Agrarian Reform, DILG, kag mga grupo sang mga sugar federation.
Suno kay Barrogo sa bahin sang DA handa na ang ila disinfectant vehicle. Sarang ini magamit sang mga sugar farmers, kun may yara man lang sila sang available nga insecticide kag sa ila man ang gatung.
Ang importante lang nga ma confirm man sang SRA nga ang natungdan nga mga katubuhan may yara sang pest infestation.
May 11 ka mga banwa kag siudad sa Negros Occidental ang damlag pa gin report sang SRA na may yara sang infestation sang RSSSI.
“For the DA naman since sa Monday pa maabot ang taga central office nga may dala man nga insecticides, paga meetingan pa namon sa Monday. And then we will be targeting sa following day Tuesday may sample na kami nga area nga ma ka operate”, suno kay Barrogo.