Spokesperson ni Mayor Albee Benitez nagpahayag nga indi matuod nga wala sang plano nga mag pa-re-elect ang alkalde sa 2025.
Nagapabilin nga may lima ka mga options si Mayor Albee Benitez kag nalakip diri ang magpapili liwat sa mayoralty elections.
Ini ang pagklaro ni Punong Barangay Caesar Distrito sa pihak sang alegasyon nga wala na gana magpapili pa bilang alkalde si Mayor Albee sa 2025.
Gindugang ni Distrito nga tinutuyo sang alkalde nga masolusyonan karon ang water crisis sa baylo sang plano sini sa natalana nga filing sang certificate of candidacy.
Mas luyag tagaan atensyon sang alkalde ang paghatag katumanan sa mga proyekto sa idalom sang iya administrasyon.
Ini sa pihak sang ginapangatubang nga delay tuga sang bureaucracy.
Ginpatpat na sadto ni Distrito nga nalakip sa options sang alkalde ang mag switch sang pwesto kay Congressman Greg Gasataya, magpapili senador, magbaton sang cabinet position ukon magpahuway sa pulitika.
Bisan si Councilor Celia Flor nga kaalyado sang alkalde nagapati nga madamo pa sang sarang mapatuman ang alkalde kun magabalik ini sa pagka alkalde.