Sa statement ni Singcang-Airport Punong Barangay Caesar Distrito, nga spokesperson ni Mayor Albee Benitez, iya ginpanginwala nga wala gin-imbitar si Vice-Mayor El Cid Familiaran sa ginpatigayon nga turn-over rites sang Yuhum Village sa Barangay Vista Alegre sang Sabado.
Ang halos tanan nga city officials, nagtambong sa seremonya magluwas lang sa bise-alkalde.
Pero gindugang ni Distrito nga napadala ang imbistasyon sang staff sang City
Mayor’s Office paagi sa messenger sang technical assistant sang bise-alkalde.
Mismo ang alkalde ang naghatag sang instruction sa mga staff nga sa official
events dapat imbitado ang tanan nga city officials bisan sa ano pa ang iya nga
partido.
Para naman kay Familiaran, indi na gid man big deal sa iya kun wala
gid man siya naimbitar sa amo nga hilikuton.
Ugaling may media nga naka pamangkot sa iya kun ngaa wala siya sa kahiwatan amo nga iya ini nga ginsabat.
Dugang pa niya Sabado sang aga sang ginpadala ang imbitasyon sa iya nga TA kag sa amo naman nga aga ang event.
Ang iya nga TA nag out of town pa gani wala gilayon makit-an ang imbistasyon nga ginpadala sa messenger.