Padayon sa karon ang Special Vaccination Days sa Negros Occidental.
Ang probinsya ang isa sa mga lugar sa pungsod nga na identify sang national vaccination operation council para sa special vaccination days nga nag sugod Abril 20 tubtob 22, sa tinutuyo nga mabuligan ang pag deescalate sang mga banwa kag siudad sa probinsya.
Suno kay Dr Jessica Fama, ang medical specialist 3 sang Provincial Health Office, ang NVOC ang nag set man sang target nga mabakunahan.
Nagapabilin ang pagpanghangkat sa vaccination program sang probinsya suno kay Fama labi na nga nalab ot naman sang probinsya ang halos tanan nga luyag magpabakuna.
Ang lalab-uton nila sa karon amo yadtong may mga pang duha duha pa sa bakuna.
Sa April 16 nga report sang PHO 61.03 percent sa target sang Negros Occidental ang fully vaccinated. Padayon man ang pagduso karon sang booster shots suno kay Fama.