Shadow

Special Investigation Team gintukod para mag usisa sa natabo nga pagpatay sa isa ka pulis

Calatrava PNP photo

Nagtukod na sang Special Investigation Team ang Calatrava PNP para mag tutuok sa pag hatag hustisya sa kamatayon ni Police Staff Sergeant John Daniel Gotera.

Si Gotera ang gin patay sang Dominggo samtang nagapanglakaton ini sa Barangay Patun-an sa banwa sang Calatrava.

Suno kay Police Major Roberto Indiape Jr., hepe sang Calatrava PNP, may ara sila gina tan-aw nga mga personalidad nga posible may kahilabtanan sa pag patay kay Gotera nga na assign sa investigation section sang Toboso PNP.

Ini nga mga personalidad ang imbolbado sa iligal nga droga ukon mga wanted persons nga amo ang gina uyatan nga mga kaso ni Gotera.

Pero suno kay Indiape sila ang maga pangita pa sang witness nga makatudlo sang posible involvment sang sini nga mga personalidad nga ila gina usisa.

Damlag pa gin pahayag sang hepe sang Toboso PNP nga si Police Captain Kenneth Paul Magan nga ang utod ni Gotera naka panugid nga naga baton sang pag pamahog ang pulis may kaangtanan sa iya trabaho.

Ginatan-aw karon sang Calatrava PNP nga posible work related ukon personal ang motibo sa pag patay kay Gotera.

Leave a Reply

Your email address will not be published. Required fields are marked *

Secured By miniOrangeSecured By miniOrange