Patay ang provincial consultant for hospital operations sa Negros Occidental nga si Marton Cui matapos siya tiruhon sang wala pa makilala-an nga persona ukon mga persona sa gwa sang iya nga opisina sa Emerald Arcade sa Barangay Palampas sa San Carlos kagab-i.
Suno kay Police Lieutenant Abegael Donasco, PIO sang Negros Occidental Police Provincial Office, si Cui ang pasakay na kun tani sa iya nga salakyan sang siya ang gin tiro sang gunman nga sakay sa van. Upod man sang biktima ang iya mga body guards sang natabo ang pag paniro suno kay Donasco.
Gindala pa sa ospital si Cui pero wala na siya matabangan.
Nagtukod na sa karon sang Special Investigation Task Force ang NOCPPO para matutukan ang paglubad sang kaso sa pag patay kay Cui.
Ginpahayag man ni Donasco, nga tubtob karon wala pa sila sang may gina tan-aw nga motibo kun ngaa gin patay ang provincial consultant.
Gina hibalo man karon ka PNP kun may mga CCTV ang building agud makabulig sa ila nga imbestigasyon.
Si Cui ang sadto nangin chief of staff ni anay 1st district Representative Jules Ledesma.