Shadow

Special flight sang PAL para sa fully vaccinated individuals gin aprubahan na

Special flights para sa mga vaccinated individual nga damlag pa ginhinyo sang Philippine Airlines ang gin aprubahan ni Negros Occidental Governor Eugenio Jose Lacson.

Ang special flights para sa fully vaccinated individuals ang maga sugod Oktubre 18 tubtob sini nga Nobyembre 29, kag patigayunon lamang sa kada Lunes kag Biernes.

P3,750 ang plete ukon special discounted fare sang mga pasahero sa amo nga biyahe. Indi naman kinahanglanon nga mag paidalom pa sa RT PCR test ang mga pasahero.

Ini sandig sa komunikasyon ni PAL branch manager Rene Aviles kay provincial administrator Rayfrando Diaz.

Ginpahayag man ni provincial consultant Albee Benitez nga bukas man ini sa mga residente sang Bacolod, karon nga indi naman kinahanglan sang negative RT-PCR test result ang maga padulong sa siudad kun fully vaccinated individual.

Ang Manila-Bacolod flight las 8 sang aga. Suno kay Aviles ang tinutuyo man sang amo nga special flight amo nga ma tib-ong man ang vaccination program sang gobyerno.

Secured By miniOrangeSecured By miniOrange