Subong gid lamang nga hapon nagpagwa sang pahayag si Comelec Chairman George Garcia nga iya ginbaton ang recommendation sang House of Representatives nga i-cancel ang special elections sa 3rd District sang Negros Oriental.
Sarang ma re-call sang kongreso ang special elections.
Isa sa mga rason sa House Resolution 154 ukon ang pag re-call sang special elections amo ang negatibo sini nga epekto sa peace and order situation sang lugar.
May tatlo na ka mga kandidato nga nag file sang certificates of candidacy humalin sang nag sugod ang COC filing sang Lunes.
Una nga nag file sang iya COC ang kaalyado ni anay Governor Roel Degamo nga si anay Navy Col. Rey Lopez.
Kaina naman nag file sang COC si anay Governor Pryde Henry Teves nga utod sang nakakas sa pagka kongresista nga si Arnolfo Arnie Teves, Jr. Nag-file man sang COC si Bacong incumbent Mayor Lenin Aviola.
Dapat kuntani sa December 9 natalana ang special elections sa 3rd sang Negros Oriental.