Aprobado na sang konseho sang siudad sang Bacolod ang request para mapirmahan ni Mayor Albee Benitez ang kasugtanan sa tunga sang Bacolod Yuhum Foundation nga amo ang liwat napili nga organizer sang Masskara Festival 2023.
Ginsiling ni Benitez nga gin-carry over ukon halos wala sang ginkambyo sa memorandum of agreement nga nasuguran sang nagligad nga tuig.
Magapabilin ang 60-40 profit sharing kag ginakinahanglan sang foundation nga mag-submit sang financial statement makaligad sang 180 days sa pagtakop sang okasyon.
Wala ginsugtan sang konseho ang paghatag sang supervisory powers para sa Yuhum Foundation.
Ginkalipay naman sang pamunuan sang foundation nga liwat nga mahatagan sang kahigayunan nga mag-organize sang Masskara Festival nga maga-sugod Oktubre 7 tubtob 22.