Wala sa gihapon sang barangay nga nakahatag sang ila barangay ordinance angut sa pag-regulate sang mga electric bikes nga naga byahe sa ila tagsa ka lugar suno kay Councilor Dindo Ramos, pamuno sang committee on traffic and transportation.
Dugang sang konsehal, kabigon sa gihapon sang Bacolod Transport and Traffic Management Department ukon BTTMD nga iligal ang pagbiyahe sang mga e-bikes bangud wala pa ini na regulate. Nagapadayon man an pagpanakop sang ga otoridad sa mga e-bikes bangud wala pa ini sang mga business permits kag franchise gikan sa siudad.
Una na nga ginpasa ni Ramos ang isa ka ordinansa sa siudad sang Hulyo nga maga-regulate sa mga e-bikes, apang nakasaad sa amo nga ordinansa nga kinahanglan ang tagsa ka barangay mismo ang mapasad man sang ila barangay ordinance agud ma aprubahan ini sang SP.
Sa kada barangay ordinance, sarang nga makapatuman ang barangay kun pila ang minimum kag maximum fare sa ila lugar, kag sila man ang magadesisyon kun sa diin ang paradahan sini. Diri man isaad sang barangay kun pila lang ka units sang e-bike ang ila tugutan nga magbyahe sa ila lugar.
Ginahaylo sang SP ang tagsa ka barangay nga magpasa na sang ila ordinansa agud mangin legal na ang pagbyahe sang mga e-bikes sa ila lugar kag malimitahan man ang units nga nagabyahe sa dalan.
[sibwp_form id=1]