Sa ginpatigayon nga committee conference sang konseho ginsaysay sang tiglawas sang mga drayber kag operator sang modernized jeepney ang natabo nga pag balewala sa ila sang pamunuan sang Cebu Peoples’ Transport Cooperative nga nagadumala sang mga buses nga ila ginabyahe.
Nanindugan ang tiglawas sang kooperatiba nga nag-akto lamang sila epekto sang ginpatigayon nga transport strike sang grupo.
Sa amo nga conference ginduso sang grupo nga kun mahimo masaylo sa ila pagdumala ang mga buses sa baylo nga mapabilin sa kooperatiba nga nabase sa Cebu.
Pero para kay LTFRB 6 OIC Atty. Salvador Altura, dapat ini madesisyonan sang kooperatiba agud indi maapektuhan ang mga pasahero.
Ini man ang kabangdanan kun ngaa nagpatunga na karon ang konseho sa tuyo nga ma-resolve ang problema.
Ginsiling ni Councilor Al Victor Espino nga madasun sila nga magapa gwa sang rekomendasyon angut sa problema.
Ang conference ang gintambungan sang Cooperative Development Authority, opisyales sang transport cooperative kag katapo sang transport organization.