Shadow

Sorongon: Wala sang may na record sa Bacolod nga napatay bangud ginbakunahan

Ginsuguran na sang Bacolod Emergency Operation Center ang pagbaton sang applicants para sa online drive thru vaccination program sa siudad.

Gani humalin sang nagligad nga inadlaw madamo sa mga motorista nga nagapadulong sa 5th floor sang Ayala Mall Parking Area ang nalipay kay mas nangin mahapos kag madasig para sa ila ang magpabakuna.

Pinaagi sa drive thru vaccination, ginpabaskog sang Bacolod ang Vax-i mobile vaccination drive nga nagsugod naman kadto sa mga merkado sa kabarangayan para mapalab-ot ang Covid-19 vaccines sa mga vendors.

Ginpaathag ni Dr. Chris Sorongon, deputy for medical data and analysis sang EOC, nga tubtob karon wala pa sang data nga nakapamatuod nga makamamatay ang bakuna kag wala man sang may napatay bangud sang bakuna sa Bacolod.

Base pa sa record sang EOC, sa 402 ka mga Covid-19 related death sa Bacolod, masobra dos shieintos nubenta ang wala mabakunahan.

Masobra na sa nubenta mil ang fully vaccinated sa siudad. Pinaagi sa masupog nga vaccination program, ginalauman sang pamunuan sang EOC nga mas madamo man ang mabaton nga vaccination allocation sang siudad agud nga mangin madasig ang paglab-ot sang herd community sang siudad.

Secured By miniOrangeSecured By miniOrange