Shadow

Sorongon kag 14 ka iban pa nga naga trabaho sa Bacolod City Government Center nag positibo sa COVID-19

Deputy for Medical Data and Analysis sang Bacolod Emergency Operations Center ang nagpositibo sa COVID-19.

Ini ang ginkumpirmar ni OIC City Health Officer Dr. Edwin Miraflor.

Ginpahayag man ni Miraflor nga may 14 pa gid ka mga persona nga naga trabaho sa Bacolod City Government Center nga nagpositibo sa virus sini nga semana.

Kabahin sa nagpositibo ang 5 ka staff ni Councilor Cindy Rojas, 7 ka staff sang City Engineer’s Office, isa sa EOC kag isa sa City Treasurer’s Office.

Ini matapos ginpaidalom sa swab test ang 50 ka mga katapo gikan sa Emergency Operations Center, City Engineer’s Office, Bids and Awards Committee kag Disaster Risk Reduction Management Office.

Suno kay Dr. Miraflor, ginpatigayon ang swabbing matapos nga nag positbo sa virus ang staff ni Councilor Cindy Rojas nga in-charge sang pag pick-up sang mga stranded individual.

Ginpahayag naman ni Bacolod EOC Executive Director kag City Administrator Em Ang nga negatibo siya sa virus.

Secured By miniOrangeSecured By miniOrange