Ginakasubo ni Dr. Chris Sorongon, ang deputy for medical data and analysis sang Bacolod Emergency Operations Center nga may patalang sa gihapon nga mga impormasyon nga naga gwa tuhoy sa bakuna.
Suno kay Sorongon dapat may medical kag legal basis ang mga impormasyon nga gina pagwa ilabi na kun gina respeto ang amo nga persona.
Kay sila gani kuno nga mga duktor kun mag hatag sang impormasyon tuhoy sa ikaayong lawas naka base sa mga facts.
Ang isa tani kuno ka lider ang mangin responsable man sa mga gina buy-an nga mga impormasyon sa iya sini nga mga sumulunod kay maga sunod man ang ini nga mga tawo sa mga sala sala nga mga impormasyon nga naga halin sa lider.
“Ang pagpatalang amo gid na ang pinaka subo. Kun ikaw isa ka ka leader tapos sala sala nga mga impormasyon ang gina pang hambal mo sa mga sumulunod mo, daw naga himo ka ya imo kulto nga ang kulto nga ina naga sunod sa mga false fake news nga information teh ano na lang ayhan anh matabo? So sila ni ang maging spreader naton, sila ni ang mahimo maglapta sang covid nga ginhawa man ka effort sang iban nga mga pumuluyo nga magpartisipar kag ang ila kontribusyon amo ang magpabakuna,” suno kay Sorongon.
Dugang pa niya ang kun sino man nga naga pagwa sang patalang nga impormasyon ang sarang nga mapakasuhan sang pagsupak sang Republic Act 11332 ukon ang law on reporting of communicable diseases.
Bisan ang Department of Health ang naga kampanya gid suno sa kay Sorongon nga dapat facutal lang nga mga impormasyon tuhoy sa Covid-19 ang patihan sang publiko.
Sa karon suno sa kay sorongon ang pagpabkuna amo sa karon ang kontribusyon kun tani sang kada isa para matapos na ang ini nga pandemic.