Biyernes sang gab-i sang nasapwan nga duguon sa dalan sa Barangay Mambulac, Siyudad sang Silay kag wala na sang kabuhi, ang 20 anyos nga si Steven Placido.
May pilas ini tuga sang buno sa iya ilok kag ginlalas ang iya liog.
Pagka sunod nga adlaw, tigayon nga nadakpan ang suspek nga amo si Gerald Superficial.
Siya ang positibo nga nakilala sang nga nakasaksi sang insidente. Suno kay Lt. Judesses Catalogo, spokesperson sang Negros Occidental Police Provincial Office, daan nga dumtanay ang motibo sa krimen.
Isa man sa ila gina tan-aw amo nga posible mistaken identity ang natabo kag ang kapid sang biktima amo kun tani ang tuyo nga patyon sang suspek.