Magapatigayon sang imbestigasyon ang 3rd Infantry Division sang Philippine Army sa natabo nga pagpaniro sa sulod sang kampo sang 15th Infantry Battalion sa Sipalay City.
Ang biktima ginkilala sa kay Corporal Arnold Sumaribos samtang ang suspek ginkilala sa kay Staff Sergeant Charlemagne Nabejet.
Suno sa kay Lieutenant Colonel J-jay Javines, spokesperson sang 3rd ID, wala nila ginatolerar ang natabo bangud ara sa impluwensiya sang makahulubog nga ilimnon ang biktima kag ang suspek.
Dugang pa ni Javines, mahimo nga magapangatubang sang kaso administratibo si Nabejet kag pwede ma demote kag makakas sa serbisyo, apang nagadepende sa korte kun ano ang criminal liability sang suspek.
Nagasaulog sang kaadlawan sang ila nga upod ang biktima kag suspek apang may nagluntad nga komosyon sa tunga sang duha nga nagresulta sa pagpaniro.