Ginadihon nga solar project sa Barangay Felisa sa Bacolod sarang mapadayon sang proponent suno sa Committee on Health sang konseho.
Bisan ginapamatukan sang Barangay Council sang Barangay Felisa ang ginadihon nga Solar Farm Project sa barangay mahimu gihapon mapadayon sang proponent ang ila proyekto.
Ini suno kay Councilor Claudio Puentevella, pamuno sang Committee on Energy bangud 2014 pa nakakuha sang Resolution of No Objection ukon RONO ang Negros Solar Ph para sa 150MW solar farm project.
Ini magluwas man sang endorsement nga nahatag sang konseho.
Si Barangay Felisa Punong Barangay Ramon Jardin ang nagpalab-ot sadto sang resolution sang barangay council sa siudad agud mapamatukan ang solar project nga ila ginapatihan maka-apekto sa ikaayong lawas sang pumuluyo.
Ang solar farm project ang igatukod sa masobra 113 hectares nga propiedad sa boundary sang Barangay Felisa kag Barangay Tabunan sa Bago City.