May masobra 8,000 ka mga senior citizens ang ginapaabot magbaton sang tig P3,000 nga ayuda halin sa Bacolod City Government sa ulihi nga semana sang Hunyo.
Ini magluwas sa tig P500 kada bulan nga social amelioration fund nga ginapalab-ot sang Department of Social Welfare and Development.
Suno kay Councilor Celia Flor, katunga sang gintalana nga P50M nga pondo ang unahon nga ipanghatag sa mga naga edad 70 anyos pasaka nga beneficiaries.
Ang payout ipatuman sa mga kabarangayan agud man indi na mabudlayan ang mga benepisyaryo sa pagkuha sang ayuda.
Sandig sa natukod nga ordinansa ang mga senior citizens nga wala sang ginkuha nga pension gikan sa mga government agency ang sarang makabaton sang tig P500 nga social pension kada bulan halin sa LGU.
Pamaagi ini agud nga may magamit nga financial assistance ang mga benepisyaryo para sa ila matag-adlaw nga kinahanglanon ilabi na ang pambakal sang maintenance medicines.