Nagbayad sang P72,000 nga piyansa ang Bacolodnon social media personality nga si Cristina Endrado Martino ukon mas kilala sa nga si “Langga” matapos ini ang gindagdagan sang warrant of arrest sa kaso nga cyber libel.
Miyerkules nga adlaw, boluntaryo nga nagsungka si Martino sa Police Station 2 may angut sa arrest warrant sa paglapas sang Section 4 sang Republic Act 10175 ukon ang Cybercrime Prevention Act of 2012 nga gin-isyu sang Regional Trial Court, Branch 15 sang Laoag City, Ilocos Norte.
Gilayon man nga nagpadulong sa Bacolod City Hall of Justice si Martino agud i-proseso ang iya piyansa.
Sang Pebrero, ginserbehan man siya sang warrant of arrest sa kaso nga cyber libel si Martino.
Sa Facebook live, ginklaro sang vlogger nga plano niya naman gid nga magsungka kag atubangon ang kaso matapos niya mahibaluan nga may gindagdag nga warrant of arrest batuk sa iya.