Nagabalor sang P200,000 ang 39 ka rim sang smuggled nga sigarilyo nga nakumpiskar sa isa ka checkpoint sa DC Cruz, CL Ledesma Ave,. Brgy. 1, siudad sang San Carlos kagab-i.
Ginkilala ang duha ka suspek nga sanday Omair Dirindigun kag Sacaroding Sarip y Beruar lunsay mga vendor kag residente sang Hope St., Brgy. 5 sa nasambit nga siudad.
Sa report sang San Carlos City, napaslawan nga magpresentar sang official receipt (OR) ukon certificate of registration (CR) ang drayber sang puti nga adventure samtang gina-usisa sa checkpoint.
Sang gin-usisa sang mga otoridad ang salakyan, didto na nadiskubrehan ang smuggled nga mga sigarilyo.
Detained ang duha sa San Carlos City Police Station.