Shadow

SMC nagspul na sa mga barangay para sa ila lng power plant nga proyekto sa San Carlos

San Miguel Corporation ang nag patigayon sang public scoping, ukon nagsapol sa mga pumuluyo sa duha ka mga barangay sa San Carlos City angut sa gina propose sini nga LNG combined cycle power plant.

Ang Reliance Energy Development, Inc. ukon REDI nga subsidiary sang SMC ang nag patigayon sang Marso 16 sang pagsapol sa mga pumuluyo kun sa diin ginpatpat nila ang tinutuyo sang proposed 18.5 billion peso nga 300-megawatt liquified natural gas combined cylce power plant nga pagatukuron sa Barangay Punao kag Palampas.

Magluwas sa tiglawas sang REDI-SMC yara man ang gikan sa Department of Environment and Natural Resources-Environment Management Bureau. Kalakip sa gintalakay ang pag process sang environmental compliance certificate application kag project information.

Ang amo nga project proposal ang may ginabulubanta 49 ka ektariya nga yara sa San Carlos Ecozone kun sa diin ang iban nga renewable energy plants kasubong sang bio-ethanol, biomass kag duha ka solar farms ang napahamtang.

Ini ang gina abi-abit ni San Carlos Mayor Renato Gustilo labi na sa gina paabot nga job opportunities sini para sa mga pumuluyo kasubong man dugang nga income sa siudad.

Suno kay Gustilo bukas ang San Carlos sa ano man nga power plant nga luyag man invest basta wala ini na blacklist sang national government. Nakahibalo man sila sang mga power plants nga safe kag makadulot sang kaayuhan sa siudad. Bangud sini, iya gina lantaw ang siudad nga mangin powerhub sa Visayas kag Mindanao.

Madamo pa sang process nga natalana ipatuman.

Ang construction phase sang LNG plant ang natalana magsugod sa 3rd quarter sang 2022 kag mangin fully operational sa 2024.

Secured By miniOrangeSecured By miniOrange