Apat patay sa pag bunggo sang pick-up sa isa ka tricycle kahapon. Driver kasuhan sang PNP.
Gilayon nga napatay ang driver sang tricycle nga si Simeon Noblezada pati na ang iya tatlo ka pasahero matapos mabungguan ang ila ginasakyan nga tricylce kahapon sang pick-up sa highway, sakop sang Barangay Miranda, sa banwa sang Hinigaran.
Ang mga napatay nga pasahero amo sanday Meldy Capillo, Dena Espinosa kag 19 anyos nga si Kent Toledo, nga isa ka SK kagawad.
Suno kay Major Jake Barila, hepe sang Hinigaran PNP, paliko na na kuntani ang tricycle sang ini ang gin bungguan sang naga overtake nga pick-up.
Nag labog sa kalog ang tricycle pati na ang mga sakay sini. Nahulog man ang pick-up kag nag agum sang minor injuries ang driver kag iya pasahero.
Natalana i release subong nga adlaw ang driver sang pick-up pero suno sa pulis, siya ang kasuhan man sang mga pamilya sang biktima.
Kaso nga reckless imprudence resulting in multiple homicide and damage to property ang ipasaka batuk sa driver.