Mga pasado la una sang hapon sang nagluntad ang sunog sa Pala-Pala area, Punta Cabahug, Barangay Zone 6 Cadiz City.
Sa inisyal nga imbestigasyon sang Cadiz City Bureau of Fire Protection, nagsugod ang kalayo sa isa ka balay nga gina paobra kag may naga pang welding.
Madasig nga nag dako ang kalayo, kag nag ulamid sang katupad nga mga balay.
Suno sa BFP, yara sa first alarm ang sunog kag gina bulubanta 600,000 ang damage.
Gilayon naman nga nag mando si Mayor Salvador Bading Escalante, Jr., sa DSWD sang paghatag sang bulig sa mga nasunogan.