Karon nga nakapirma na sang multi-lateral agreement ang siudad sang Bacolod sa AstraZeneca Pharmaceutical Philippines para sa pagbakal sang bakuna sa COVID-19, tuyo sang lokal nga pangulohan nga magbakal man sang bakuna gikan sa iban nga mga pharmaceutical companies.
Ini bangud limitado lang nga supply sang bakuna ang mahatag sang kada drug company sa mga local government units.
Gani sang Biernes ginhatagan na sang sangguniang panlungsod sang authority si Bacolod Mayor Evelio Leonardia para makasugod na sang negosasyon sa pagbakal sang dugang nga bakuna sa iban pa nga mga supplier.
Nagaporma naman karon sang grupo sang mga doktor ang Bacolod Emergency Operations center para magpatigayon sang information-education campaign sa mga barangay para mahaylo ang pumuluyo nga magpabakuna kontra COVID-19.
“So the focus of our information dissemination is geared towards two main objectives, number one, vaccine’ benefits and number two, its acceptability. We all know how “horrible” the experience of dengvaxia is to our people and that has decreased vaccine’s acceptability last year but we are gearing towards moving our information-education at the grassroots,” suno kay Dr. Chris Sorongon, deputy for medical, Bacolod EOC.
Ginpahayag sang deputy for medical sang EOC nga si Dr. Hector Gayares nga wala sang dapat ikahadlok ang publiko sa pagpabakuna kontra COVID-19 bangud wala ini sang makamamatay nga side effects.
Suno kay Gayares, kun madamo sang magapabakuna mapaiway na ang paglapta kag pagdamo sang mga kaso sang virus.
“Kung baga may kaptan na ta nga light or pag-asa and it was effective to more than a hundred thousand people who enrolled in these studies and there are no severe complications that were reported,” suno kay Gayares.
Voluntary lamang kag indi mandatory ang pagpabakuna.
Iindi man pagbakunahan ang mga naga edad 18 anyos panubo.
Gani samtang ginahulat na lamang ang pag abot sang bakuna, luyag na sang lokal nga pangulohan nga masiguro kun pila gid ang dapatan sang bakuna agud indi magsobra ukon magkulang ang vials nga pagabaklon sang siudad.