Shadow

Siudad sang Bacolod magatalana sang pondo para sa libre nga school supplies sa mga public schools

Pondo nga manggikan sa Special Education Fund ang nakit an ni Councilor Al Victor Espino nga mahimu gamiton para sa plano ipambakal sang libre nga school supplies.

Gani suno man sa pamuno sang Committee on Education sang konseho, pagasuguran sang komitiba ang pag proseso sa mga requirement sang proyekto agud gilayon man ini nga matigayon.

May 15 million pesos ang pondo nga gintalana sang siudad para sa Special Education Fund.

Nagpasalig si Mayor Albee Benitez nga kun may nagakaigo nga pondo tinguhaan nila nga matagaan sang libre nga school supplies ang mga estudyante.

Kabahin man sa ginatagaan atensyon sang alkalde sa pagbukas sang klase ang ikaayong lawas sang mga estudyante kag ang posible pagpatuman sang one way scheme sa mga dalan nga lapit sa mga eskwelahan.

Secured By miniOrangeSecured By miniOrange