Manugtapos na sa Disyembre 2022 ang kontrata sang IPM-Construction Development Corporation nga amo ang pribado nga kumpanya nga nagahakot sang basura kag naga dumala sang landfill sa Barangay Felisa sa Bacolod.
Gani karon pa lang ginahikot naman sang technical working group ang pagbalay sang terms of reference para sa iban pa nga kumpanya nga interesado nga mag hakot sang basura sang siudad.
Suno kay City Administrator Atty. Boyet Maghari, sa tion nga matapos na ang terms of reference pwede na masuguran sang siudad ang bidding para sa kumpanya nga maga hakot sang basura kag mag maintain sang landfill sa siudad.
Kapin sa P200 million ang kontrata sang IPM-CDC sa siudad. Magahimu man sang assessment ang siudad bahin sa ila pagserbisyo.