OCD NIR photo
Ang response cluster sang Regional Disaster Risk Reduction Management Council NIR ang nag-convene sa tuyo nga mas mapabakod ang coordination kag mapasiguro ang kahandaan angut sa sitwasyon sang bulkan Kanlaon sa karon.
Suno kay Office of the Civil Defense NIR Director, Donato Sermeno, III, nga amo man ang chairperson sang RDRRMC, sila ang nagsapol sang Hwebes upod sa DSWD nga amo ang vice chairperson para sa response cluster upod kay Maria Antonia Bornas, ang chief sang Volcano Monitoring and Eruption Prediction Division sang PHIVOLCS.
Ginatutukan karon ang activities sang bulkan Kanlaon kasunod sang tatlo ka moderately explosive eruption sini sa sulod sang halos isa ka bulan lamang.
Suno kay Sermeno, ang logistics nga naga lakip sang food kag non-food items ang gina pasiguro bilang kabahin sang pag pabaskog sang kahandaan enkaso gid man nga matabo ang pagsaka sa alert level sang bulkan.
Indi gid man maka store sang madamo nga resources suno sa iya kay limitado man ang mga warehouses pero sa tion nga kinahanglanon naga augment man gilayon ang national government.
Upod sa response cluster ang mga search and rescue teams kag ang sa camp management.
“So hambal ya (Bornas) kun very soon, let’s say within a week maglupok naman siya (Kanlaon), daw constrained na gid siya mag recommend mag alert level 3. Naghirit ako what if after a month pa ang next eruption, lantwaon naton ang intensity sang eruption, i-calibrate man gyapon”, suno kay Sermeno.
[sibwp_form id=1]