Isa ka special investigation task group nga gintukod sang Negros Occidental Police Provincial Office ang sa karon naga tutok sa kaso sang pagkapatay sang duha tanan ka nga persona sa Talisay City kag La Carlota City sang nagligad nga semana.
Suno sa kay Police Colonel Rainerio De Chavez ang Provincial Director sang NOCPPO, nagapadayon ang backtracking kag pagtipon sang ebidensya sa krimen kag may ara na sila sang mga persons of interest.
Nagaguwa man sa imbestigasyon nga P70,000 nga cash ang nakuha sang mga suspek kag may ara sang mga tseke nga nakuha kag may dako nga balor apang ini ang nabalik sa kompaniya.
Sang Huwebes nasapwan sa sulod sang truck ang driver nga si Armando Sepocado sa La Carlota kag may nakita sa tupad niya nga sachet sang shabu samtang ang pahinante sini nga ginkilala sa kay Marjun Bandala ang nasapwan sa siudad sang Talisay.
Pareho nga may igo sang bala ang duha.
Gikan sila sa bodega sa Barangay Villamonte sa Bacolod antes nasapwan nga patay. Padulong sila kun tani sa Manila kag makuha sang construction materials.