Road connectivity sa tunga sang Negros Occidental kag Oriental mangin isa sa mga priority sang Regional Development Council Negros Island Region.
Wala labot diri, lakip man sa pagahatagan sang panguna nga atensyon ang pag paayo sang airport sa probinsya sang Siquijor.
Ini suno kay Negros Occidental Governor Eugenio Jose Lacson nga nagsiling man nga nalakip ini sa kaundan sang speech sang bag-o na elect nga Regional Development Council Chair, Negros Oriental Governor Manuel Chaco Sagarbarria.
Kinahanglan nga mapaayo ang road connectivity ukon ang mga dalan nga naga angut sang Negros Occidental kag Oriental suno kay Sagarbarria.
Ang runway sang airport sang Siiquijor ang tuyo nga mas mapalaba agudto nga sarang man ini sa ulihi mangin international airport. Kinahanglan man sang improvement ang airport sa Negros Occidental suno kay Lacson.
Ang naga serbe secretariat ang Department of Economy, Planning, and Development ukon DepDev nga amo ang maga collate sang mga ginkasugtan kag maga propose sa national government. Indi matigayon ang mga proyekto kun indi mag agi sa RDC labi na kun kinahanglan sang national funding suno kay Lacson.
Sa pihak nga bahin, gina lauman nga malakip na ang pondo para sa mga personnel sang NIR offices sa 2026 nga budget suno kay Lacson. Gina paabot naman ang pondo para sa infrastructure sa mga talatapan sini sa 2027.