Ang ini nga video kuha samtang gina patindog ang ini nga 69kV line sa Binalbagan sang mga linemen sang Negros Occidental Electric Cooperative.
Naga double time kag naga binuligay ang tanan para matagaan sang power supply ang mga LGU sa southern Negros.
Kagab-i tigayon na nga na tagaan sang power supply ang Himamaylan City pero sa mga importante nga bahin lang anay sang siudad.
Amo man sa iban nga mga lgu nga malubha nga na igo sang Bagyo Odette.
Suno sa communications and customer service manager sang NOCECO nga si Jocelyn Garcia, ang Sipalay, Hinobaan kag Candoni na lang ang wala pa gid malab-ot sang supply sang kuryente pero naga padayon ang trabaho sang mga linemen.
Ang ini nga mga litrato kuna sang Barangay Canturay sa Sipalay. Wala man naga untat ang ubrahanay didto.
Ang Sipalay ang isa sa mga natam-an sa pag igo sang bagyo. Tuman kadamo sang mga poste nga nagkala tumba.
“May team na to sa Sipalay nga nag augment kay kagapon nag abot ang another team from ELECO 2 and from AKELCO (Aklan Electric Cooperative). Excited man bala ang mga tawo makita nga ara na naga palapit sa ila. Nakita nila nga may mga coop nga naga ubra sang linya nila.”
Ang iban nga mga LGU sa sur indi pa man fully energized pero gina tinghuaan nga malab-ot na ang mga pamalay.
Gin prayoridad anay ang mga munisipyo, ospital, merkado kag iban nga mga matawo nga lugar.
Gina kalipay sang NOCECO nga kadamo sang mga eletric cooperative nga nagpadala sang personnel kag equipment sa Negros Occidental. Nag bulig man sa clearing operation ang mga LGU. Kag subong pati pribado nga mga indibidwal naga himo man sang tikang nga mabuligan ang mga linemen.
“Kun ara sila sa area gina papanyagahan sila, gina dul-ongan sila sang pagkaon, gintagaan sila tubig. Actually may ara sa highway nga naga ubra kuno gintagaan sila tubig kag pagkaon sang gin pamangkot sin-o ka gani ma’am? Sige lang ah, basta makahatag lang kami.”
Indi pa maka siling ang NOCECO kun sano gid ma fully restore ang pwer supply sa nasakupan nila nga mga LGU pero sa nagakatabo sa karon nga naga binuligay ang tanan, makasiling sila nga mas naga dasig nga naga dasig pa gid ang ila nga trabaho.