Isa ka sinkhole collapse ang natabo sa bahin sang bukid sa siudad sang Sipalay kun sa diin na-usmod ang duta.
Suno kay Mines and Geosciences Bureau Negros Island Regional Director, Benigno Cesar Espejo ini base sa ila nga initial nga pag pangusisa.
Maga patigayon pa ang MGB sang ground penetrating radar ukon GPR survey para mapat-od ang sub-surface condition.
Suno kay Espejo sa ini nga pamaagi mahibaluan kun ano ang sa idalom kag matumod man kun ano nga bahin sang dalan ang kritikal kag kun ano kalapad sang apektado para man makapatuman sang nagakaigo nga tikang ukon remedial measures.
Paathag niya, ang bahin sang bukid ukon ang mountain slope nga nakitaan sang mga crack kag pag ka usmod sang duta limestone.
Kag bilang kabahin sang characteristic ukon duna sa limestone posible nga may yara sang void sa idalom bangud man nga soluble ini ukon pwede nga matunaw.
Isa ini ka natural process suno sa iya. Ang pag linog sini lamang sa Sipalay isa man sa posible nag tuga sini suno kay Espejo. Ang padayon nga pag ulan dugang ni Espejeo ang mahimo kabangdanan man.
Ang pag labay sang mga light vehicles sa highway nga tambi sang apektado nga bahin sang bukid pwede lang pero kun mga mabug-at nga salakyan suno kay Espejo mahimo nga maka tuga ini sang pag collapse pa gid sang apektado nga mountain slope.
Nabutangan na sang Sipalay City sang mga warning signs sa palibot lakip na ang pag cordone sang area.
Isa man sa gina lantaw tikang karon amo ang pag limit sang kabug-aton sang mga gina karga sang salakyan nga naga labay sa area, labi na nga amo man lamang ini ang naga serbe nga access road sa area.
“They’re planning to do follow-up survey. Para makita po talaga, para ma ascertain po talaga, kung ano po yung part ng road section na sabihin po natin na critical na kailangan ng remedial measures. Initially it’s a sinkhole collapse. Kasi nga po yung characteristic ng bato dun, na limestone po sya, kaya nga parang associated talaga ….pag yung lugar po natin is underneath a limestone”, suno kay Espejo.