Simultaneous earthquake drill ang ginpatigayon sang DRRMO sa 4 ka mga lugar sa Bacolod.
Halos dungan nga ginpatigayon ang earthquake drill sang katapo sang Bacolod- DRRMO sa apat ka mga areas nalakip diri sa dalan Araneta, LCC-Bacolod campus, Park Inn Hotel sa reclamation area kag sa Barangay Taculing.
Ginsiling ni Aaron Bais nga nagaserbe incident commander, nahauna ini nga naghugpong ang DRRMO upod sa mga fire and rescue volunteer organization para mapakita ang ikasarang sang siudad sa pag-respondi sa mga magkadungan nga scenario.
Gamit ang digital technology tuyo sang Bacolod LGU nga mahanas kag mapasanyug pa ang programa bahin sa disaster preparedness.
Ang simultaneous earthquake drill kabahin sang pagdumdom sang National Resilience Month kun diin napilian ang siudad bilang isa sa mga pilot areas sang Office of the Civil Defense.