Asosasyon sang mga tricycle drivers kag operators sa nag-silent protest sa Barangay Handumanan sa Bacolod.
Temporaryo anay nga wala nagbyahe ang katapo sang Tricycle Operators and Drivers of Handumanan dungan sa ila ginapatigayon nga monthly meeting.
Suno kay Leonardo Brillantes, bise presidente sang TODAH, kabahin ini sang ila silent protest agud mapalab-ot ang ila pagpamatuk sa paghatag kahigayunan sang Barangay Council sa mga e-bike nga makabyahe bisan nga wala ini sang mga prangkisa kag mga permit nga regular nga ila ginakuha agud lang maka byahe.
Nagapanawagan man ang grupo sa mga natungdan nga aksyunan ang problema sa colorum nga tricycle kag ang paglaksam sang mga mini bus sa ila mga rota.
Nagligad lang nga tuig sang nag untat byahe ang kapin 300 ka mga katapo sang TODAH sang ginpahanugutan ang pagbyahe sang e-bike sa barangay.
Paathag ni Punong Barangay Ricardo Danoy, luyag nila nga tagaan man sang opportunidad ang mga e-bike drivers.
Pero iya na ginatugyan sa Bacolod Traffic Authority Office ang pagpanakop sa e-bike kun ini nagalaksam na sang rota sang mga tricycle kasubong man sa mga colorum tricycle.