Silaynon beauty ang gindayaw matapos malakip sa top 10 finalists sang Miss Philippines Earth 2021.
Ginpabugal nanday Silay City Mayor Mark Golez kag 3rd District Congressman Kiko Benitez ang flight attendant nga si Riah Angelica De Ocampo matapos nga madala siya sa top 10 sa virual pageant sang Miss Philippines Earth 2021 sang Dominggo.
Tourism management graduate sang La Consolacion College Bacolod si De Ocampo nga nangin Lin-ay sang Silay sang 2012 kag nangin second runner up man sa Lin-ay sang Negros sang 2013.
Isa siya sa 68 ka mga kandidata nga nagpaindis indis sa Miss Philippines Earth competition.
Ang pagpasanyug sang organic farming kag pagpabaskog sang kampanya sa environmental protection pinaagi man sa pag-amlig sa mangrove ang kabahin sa iya nangin adbokasiya.
Si Naelah Alshorbaji sang Paranaque City amo ang gin koronahan bilang Miss Philippines Earth 2021 kag natalana magatiglawas sa pungsod sa Miss Earth pageant.