Silay City Mayor Joedith Gallego ang gin papanaugan sang show cause order matapos nga wala ginbaton ang iya nga rason kun wala wala siya makatambong sa committee hearing sa kongreso subong nga adlaw.
Samtang, gina patun-an naman sang komitiba ang posible pag pa disbar sa kay Silay City Legal Officer, Janus Jarder.
Si Committee on Public Accounts Chairperson, Stephen Paduano ang nag move sa hearing nga ginpatigayon, nga papanaugan sang show cause order si Mayor Gallego bangud sa iya nga kapaslawan sa pagtambong sa ikatlo nga hearing may kaangtan sa gina alegar irregularity sa 1.1 billion pesos nga loan sang siudad para sa nagkalain-lain nga mga proyekto.
Nagpadala sang excuse letter ang alkalde.
Iya ginsiling nga indi siya makatambong bangud sang iya nga indisepensable role karon nga gina handa man ang Silay City bilang isa sa mga evacuation site bilang pag panghanda kun maglupok ang bulkan Kanlaon.
Bagay nga suno kay Paduano unacceptable.
Gin tawgan si Gallego para sa iya nga bahin pero wala ini makasabat as of press time.
Sa amo man nga hearing ginduso ni Representative Romeo Acop nga tun-an ang mga grounds sang possible disbarment ni Jarder.
Ini may kaangtanan sa kapaslawan sang City Legal Officer nga magsunod sa ginmando sang komitiba kasunod sang pag-cite sa iya sang contempt kag pagpapanaog sang detention order.
Paathag ni Acop bilang abogado nagaserbe si Jarder nga officer of the court gani ginapaabot nga magsunod ini sa legal process.
Dugang pa diri ang indi niya man pagsunod sa mando ni Gallego nga dapat atubangon ang iya contempt order lakip na ang pag report balik sa iya nga talatapan base sa memorandum nga ginpapanaog sa iya damlag pa.
Suno kay Silay City Vice Mayor Tom Ledesma humalin sang gin-cite si Jarder sang contempt wala na ini maka report gani gina kabig nga AWOL ukon absent without leave ini.