Ang director nga si Rodney Ascalon na ang festival director sang MassKara Festival 2025, Bacolod Gugma Foundation amo na ang organizer sang MassKara Festival.
Opisyal na nga gin anunsyo nga ang Bacolod Gugma Foundation amo ang mangin organizer sang MassKara Festival 2025 sa idalom sang Gasataya Administration.
Ini ang gin anunsyo sa MassKara Festival 2025 official Facebook page.
Ang director kag choreographer nga si Rodney Mitz Ascalon ang mangin foundation president kag siya man ang maga serbe bilang Festival Director.
Si Ascalon ang founder sang Artians Cheer Dance Squad kag nangin director sang dalagko nga events pati na mga beauty pageant sang mga LGU sa probinsya lakip na ang Lin-ay sang Negros kag Miss Bacolod MassKara.
Kaupod niya sanday Atty. Hannah Lea Tañoso Dela Torre, Board of Director, Corporate Secretary and Legal Affairs Head, Joanna Angelica Ortillo, Board of Director, Foundation Treasurer kag pamuno sang marketing and community engagement strategies.
With “Unity through Love” ang mangin core sang MassKara 2025 sa pagpadalagan sang homegrown celebration.
Bilang kabahin sang preparasyon, ang foundation ang naga imbitar sa mga Bacolodnon nga indi lang mangin tumalan-aw, kundi makigbahin bliang isa sa mga magahatag sang kalipayan sa selebrasyon sang City of Smiles.
