Nagdangat na sa 125 ang show cause order nga na serbe sang COMELEC sa mga kandidato nga gin reklamo sang premature campaigning.
Kahapon suno sa COMELEC may 18 ka show cause order ang nag dugang. Siyam diri ang ginserbe sa mga kandidato sa Bago City kag siyam sa Calatrava. Wala pa man sang kumpirmasyon suno kay COMELEC Elections Supervisor Ian Lee Ananoria kun sa 125 may napasakaan na sang kaso. Natalana naman ang joint coordinating conference sang COMELEC sa madason nga Martes. Magapatigayon sang assessment sa mga areas of concern.
Sa karon suno kay Ananoria mahimo nga wala na sang madugang pa sa 51 ka areas of concern sa Negros Occidental. Nagalaum siya nga indi na mag escalate pa ang tension ukon rivalry sa mga kandidato. Sa Oktubre 19 magasugod ang kampanya. Samtang, may mga lima naman ka reklamo ang nabaton sang Kontra Bigay Committee angut sa gina alegar Vote Buying sa Negros Occidental.