Gina acknowledge sang Sugar Regulatory Administration ang shortage bahin sa refined sugar nga gina gamit sang beverage industry.
Ini base sa ginpagwa nga pahayag ni David Alba ang acting administrator sang SRA kasunod sang pagpalayag man sang tagdumalahan sang Coca-Cola, Pepsi Cola kag RC cola bahin sa kakulang sang supply sang kalamay.
Suno kay Alba sa karon sila ang naga consolidate pa sang ila nga datus agudto tigayon man sila maka recommend sang nagakaigo nga tikan para sa Presidente.
Nahibaluan man nila nga yara sa kritikal ang sugar needs sang Coca-cola, suno kay Alba, may nagakaigo pa nga supply ang Pepsi kag RC Cola base sa ila nga record. Naga hinyo sang tion si Alba sa industry partners para masolusyonan ang isyu.
Sini lamang gin-convene na ni Presidente Ferdinand Marcos Jr ang Sugar Board. Kabahin sa una nga direktiba ang pag pa gwa sang Sugar Order Number 1, bahin sa sugar allocation.
Nag recommend ang Sugar Board nga ang tanan nga kalamay sa sini nga crop year ang iga classify nga “B” sugar ukon domestic sugar. Suno kay Alba, wala sang allocation para sa US quota. Dugang pa niya ini ang iga subject sa consultation sa tanan nga industry stakeholders.
Ang Sugar Order Number 2 naman suno kay Alba ang naga recommend sang importation sang 150,000 metric tons sang kalamay.
Na aprobahan naman ang mo nga lihok in principle suno kay Alba, kinahanglan anay ang mechanics para diri matpos man patigayunon ang consultation.