Kakulang sa classrooms ang masami nga gina atubang sa kada pag bukas sang klase. Sa DepEd Negros Occidental Division, shifting sa klase ang isa sa gina lantaw tikang para ma solusyunan ini.
June 1 to 5 ang enrollment period sa mga pampubliko nga eskwelahan.
Suno kay DepEd Negros Occidental Division Superintendent, Gladys Amylaine Sales, pagkatapos pa gid sang enrollment period kag mapat-od kun ano gid ang kadamuon sang enrollees.
Ang DepEd Negros Occidental Division ang gina tapuan sang 19 ka mga banwa sa Negros Occidental.
Sang nagligad nga school year ang DepEd Negros Occidental Division may halos 300,000 ka estudyante, dala na diri ang mga gikan sa private schools.
Ang kakulang sa classrooms masami ang gina atubang sang mga dalagko nga eskwelahan kaangay sang Negros Occidental High School kag Hinigaran National High School.
Dugang pa niya kun may mga kalamidad indi ma negar nga may mga classrooms man nga naga kaguba. Halimbawa na lamang sang pag igo sang bagyo Tino sang Nobyembre. Kag indi man ang tanan gilayon nga mapakaayo sang DepEd.
Gani ang shifting sa klase isa sa mga tikang nga gina patuman bilang sabat.
Generally may excess naman suno sa iya sa mga manunudlo. Suno kay Sales importante nga maplastar sang mga principal ang mga load sang teachers para kun may yara sang mga eskwelahan nga may kulang sang manunudlo mahatang man sila.
Samtang, sini nga school year gina paabot man ang pag patuman sang 3 grading period system.
“Para maka adapt kami ang mga principal mismo they will make a solution ang isa na da naga shifting. Ma shifting para nga may face to face kag may ara man nga time nga nga asychronous sila, alternative delivery mode sa ila nga balay ga bulos-bulos lang. Ang aton total number of learners nearly 300,000 ang aton enrollment for the next school year ongoing pa man. So makita ta gid na sa next week so far ang daku nga challenge diri sa NOHS, sa mga big schools ta, sa Hinigaran”, suno kay Sales.*
[sibwp_form id=1]