Tigayon na nga na distribute sang Department of the Interior and Local Government Region 6 ang SGLG Incentive Fund sa mga nagdalaog nga LGU.
Sa isa ka seremonya sa Iloilo, gin-turn-over ang Incentive Fund sang Martes sa mga eligible LGUs. Nalakip diri ang probinsya sang Negros Occidental, Cadiz, Escalante, Himamaylan, San Carlos, Sagay, Victorias, Talisay, Manapla kag La Castellana. Ang probinsya nagbaton sang 4 million pesos nga checke, ang mga siudad naman, 2.3 million pesos kag ang mga banwa, 1.8 million pesos. Tuyo sang pondo nga ma suportahan ang mga local government project nga gin identify bilang priority kag naka lista sa ila tagsa ka local development investment program. Suno kay Provincial Director, Teodora Sumagaysay, sarang maka pili sa menu sang mga projects kag maga padala sang proposal para diri ang mga LGU. Kalabanan nga nalakip diri mga infrastructure projects.
“Lain-lain bal-an nga area sa peace and order, sa disaster, in terms of disaster, ano ang mga pililian nila, sa peace and order ano ang mga projects, they have choices actually”, suno kay Sumagaysay.