Naghagaday paligo sa suba upod sa iya mga grupo ang 15-anyos nga senior high school student sa Purok Malabago, Barangay Salong sa Kabankalan City sang Martes.
Sa Bacolod City naga-eskwela ang menor de edad, apang nagapuli siya sa Barangay Salong agud magbakasyon.
Nag-gwa sa imbestigasyon nga yara lang nagatiner sa higad sang suba ang biktima, ugaling suno sa iya mga upod, gulpi lang siya nga naglumpat.
Ginsiling ni Police Lt. Nolly Gudaca, ang deputy chief sang Kabankalan PNP, gintakos sang mga upod sang biktima ang kadalumon sang tubig sa suba nga ginlumpatan sang biktima kag lapaw ini sa ulo sang tawo.
Gintinguhaan sang iya mga upod nga i-rescue ang biktima apang naayawan sila tungod sang kadalumon sang tubig. Indi kabalo maglangoy ang biktima.
Sang makita ang biktima, gindala siya sa ospital apang gindeklarar nga dead on arrival.
Nagapati naman ang pamilya nga nalumos ang ila himata kag wala sang foul play sa insidente.*