Mga senior citizens ginakalipay ang pagbaton sang tig P3,000 nga social pension.
Matawhay nga nagpila sa mga payout areas ang mga senior citizens humalin kaina sang aga para mabaton ang ginapaabot nga social pension halin sa siyudad.
Ang 70 anyos nga si Florencia Concepcion sang Barangay 28 nagapasalamat kay may inugbakal na siya sang bugas kag mga kinahanglanon sa ila puluy-an.
Tig-P3,000 pesos para sa 2nd quarter ang nabaton sang malapit 1,000 nga mga indigent senior citizens nga naga edad 70 anyos pasaka.
Separado ini sa social pension gikan sa national government nga ginapanagtag sang DSSD sa mga senior citizens.
May 15,000 tanan ka mga benepisyaryo ang ginapaabot matagaan sang tag P6,000 nga social pension kada tuig.