Ginbawian sang kabuhi ang 67-anyos nga lola matapos mabungguan sang depasahero nga van samtang nagatabok sa dalan sa Barangay Pandanon Silos, banwa sang Murcia, Lunes nga adlaw.
Suno sa 34-anyos nga driver kag mga saksi, nagatabok sa dalan ang biktima apang hinali na lang nga nagbalik sa center lane kag nabungguan sang van.
Ginsiling ni Police Major Sherwin Fernandez, hepe sang Murcia PNP, indi na masyado makabati ang biktima bangud may problema ini sa palamatin-an.
Gikan San Carlos City kag padulong Bacolod City ang van nga may karga nga 17 ka mga pasahero. Wala sang may nasamaran sa ila.
Na-release na ang driver sang van matapos ang aregolohanay nga natabo sa duha ka partido.