Shadow

Senior citizen patay matapos malapakan sang bus

Patay si Carlos Bilbar, 75-anyos, matapos nalapakan sang Ceres bus sa National Road, Prk. Star Apple, Brgy. Luna, Cadiz City, kahapon sang aga.

Samtang ginkilala naman ang driver sang Ceres bus nga si Danilo Perrin, Jr.

Sa imbestigasyon sang Cadiz City Police Station, halin sa Cadiz City proper padulong sa Manapla ang ang Ceres bus kag ang motorsiklo nga ginamaneho ni Bilbar.

Suno sa pulis, wala nakita sang driver sang bus ang biktima nga magaliko kuntani.

Sa nakuha nga impormasyon sang pulis, ginadumilian sang pamilya ang biktima nga magmaneho sang motorsiklo bangud may edad na kag may problema na sa pamatin-an .

Gin detain ang bus driver kag ginahulat kon may areglohanay nga matabo sa magtimbang nga bahin.

Secured By miniOrangeSecured By miniOrange